Эс энд Ти Эс Партнерс ХХН
Өмгөөллийн “Эс энд Ти Эс Парнерс” ХХН нь иргэний эрх зүй тэр дундаа компанийн эрх зүйн асуудлаар хуулийн зөвлөгөө өгөх болон хэрэг, маргаан хянан шийдвэрлэх ажиллагаанд өмгөөлөгчөөр оролцох зэргээр хуулийн бүх төрлийн үйлчилгээ үзүүлдэг хуулийн фирм юм. Нөхөрлөлийг Монгол болон Австрали улсад боловсрол эзэмшсэн, мэргэжлээрээ тус бүр 15 жил ажилласан туршлагатай хоёр хуульч 2019 онд үүсгэн байгуулсан билээ. Хамтарч хуулийн фирм байгуулахаасаа өмнө үүсгэн байгуулагч хуульчид маань Монголын тэргүүлэх хуулийн фирм, арилжааны банк болон төрийн өмчит аж ахуйн нэгжид тус тус ажиллаж байсан туршлагатай. Иймээс Эс энд Ти Эс Парнерс ХХН нь дотоодын хууль тогтоомжийн талаарх мэдлэгийг олон улсын чиг хандлагатай уялдуулан зөвлөгөө өгөх чадвартай мэргэжлийн хуулийн фирм юм. Бид хуулийн салбарт хуримтлуулсан ажлын туршлага, мэдлэгтээ үндэслэн дотоод болон гадаадын үйлчлүүлэгчиддээ хууль зүйн бүхий л үйлчилгээг үзүүлэн ажиллаж байна. Бидний үндсэн зорилго бол үйлчлүүлэгчдийнхээ бизнесийн эрх ашигт нийцсэн, чанартай хууль зүйн зөвлөгөөг мэргэжлийн өндөр түвшинд үр ашигтайгаар үзүүлэх явдал билээ.
Бид дараах чиглэлүүдээр ажилладаг. Үүнд:
Компанийн болон худалдааны эрх зүй
Бизнес нэгдэх, нийлэх
Компанийн засаглал болон Хууль тогтоомжийг мөрдөж ажиллах
Банк, санхүү
Барилга, үл хөдлөх хөрөнгө
Хөдөлмөр
Компанийн өөрчлөн зохион байгуулалт, татан буулгалт
Маргаан шийдвэрлэх болон Арбитр
Компанийн нарийн бичгийн үйлчилгээ
Энхбатын Цолмончимэг
Э. Цолмончимэг нь иргэн, захиргааны эрх зүйн чиглэлээр тухайлбал компани, үл хөдлөх эд хөрөнгө, хөдөлмөр, олон улсын эрх зүйн салбарт хөрөнгө оруулалт, банк санхүүгийн чиглэлээр мэргэшин ажилладаг. Тэрбээр нь шүүх болон арбитрын хэрэг маргаанд зөвлөх, төлөөлөх туршлагатай бөгөөд тухайлбал Фортун 500 компанийн жагсаалтанд орсон зарим компанийг худалдааны болон гэрээний маргаанд шүүхэд төлөөлөн оролцож байсан туршлагатай. Өмгөөллийн Эс энд Ти Эс Партнерс ХХН-ийг хамтран үүсгэн байгуулахаасаа өмнө Монголын томоохон хуулийн фирмд гишүүн хуульчаар ажиллаж байсан бөгөөд үүнээс өмнө ...арилжааны банкинд ахлах хуульчаар ажиллаж байсан.
Мөн ШУА-ын Философи, социологи, эрх зүйн хүрээлэнд эрдэм шинжилгээний ажил хийх хугацаандаа хууль зүйн судалгааны ажил хийх багагүй туршлага хуримтлуулж, хэд хэдэн бүтээл хэвлүүлсэн болно. Үүнээс гадна олон улсын томоохон хуулийн фирмийн Сингапур улс дахь салбарт түр хугацаагаар ажиллаж олон улсын түвшинд ажиллах туршлага хуримтлуулсан. Ази-Номхон далайн бүсийн орнуудын хуульчдын үйлчилгээний зэрэглэл, ангилал тогтоодог олон улсын “Asia Law” байгууллагаас 2017 болон 2018 онуудад барилга, үл хөдлөх хөрөнгө болон хөдөлмөрийн эрх зүйн салбарын шилдэг хуульчаар дараалан шалгарсан. Тэрээр Монголын Хуульчдын Холбооны гишүүн бөгөөд хуульчийн мэргэжлийн үйл ажиллагаа эрхлэх тусгай зөвшөөрөлтэй, шүүхэд төлөөлөх эрхтэй хуульч юм. Орос, англи хэлний мэдлэгтэй.
- Боловсрол:
- Хууль зүйн бакалавр. Отгонтэнгэр Их Сургууль, 2001
- Хууль зүйн магистр:
- Монгол Улсын Их Сургуулийн Хууль зүйн сургууль, 2004
- Австрали улсын Монаш Их Сургууль, 2017
- Хэл шинжлэлийн бакалавр. Хүмүүнлэгийн Ухааны Их Сургуулийг Англи хэлний орчуулагч мэргэжлээр, 2011
Буянтын Солонго
Б.Солонго нь иргэн, захиргаа, эрүүгийн эрх зүйн чиглэлээр мэргэшин ажилладаг бөгөөд иргэн, хуулийн этгээдийг шүүхэд төлөөлөн ажиллах арвин туршлагатай. Тэрбээр Эс энд Ти Эс Партнерс ХХН-ийг хамтран үүсгэн байгуулахаасаа өмнө Иргэний нисэхийн ерөнхий газарт ахлах хуульчаар ажиллаж байсан бөгөөд түүнээс өмнө Хууль зүйн үндэсний хүрээлэнд эрдэм шинжилгээний ажилтнаар ажиллаж байсан. Хуульчаар ажиллаж эхэлсэнээсээ хойш хэд хэдэн хуулийн төслүүдэд хамтран ажиллаж, судалгааны бүтээлүүдэд оролцож, мэргэжлийн сэтгүүлүүдэд эрдэм шинжилгээний өгүүлэл хэвлүүлж байсан. Тэрээр Монголын Хуульчдын Холбооны гишүүн бөгөөд хуульчийн мэргэжлийн үйл ажиллагаа эрхлэх тусгай зөвшөөрөлтэй, шүүхэд төлөөлөх эрхтэй хуульч юм.
- Боловсрол:
- Хууль зүйн бакалавр. Их Засаг Их Сургууль, 2002
- Хууль зүйн магистр,
- Монгол Улсын Их Сургуулийн Хууль зүйн сургууль, 2004
- Монгол Улсын Их Сургуулийн Хууль зүйн докторант
Гансүхийн Чинзориг
Г.Чинзориг нь тус нөхөрлөлд хуульчийн туслахаар ажилладаг. Түүний ажлын үндсэн үүрэгт хууль зүйн бичиг баримтын төсөл боловсруулах, бичиг баримтанд хууль зүйн дүн шинжилгээ хийх болон хуулийн этгээдийн бүртгэлийн ажлыг хариуцах гэх мэт ажлууд багтдаг.